Ёшлик маҳалла фуқаролар йиғини Мустақиллик кўчаси аҳолисининг ташаббуси билан хонадонларга ичимлик суви олиб келинди.
Маҳалланинг Одилжон Долимов, Мақсадхон Тўраев, Турсунбой Дадабоев, Акрамжон Каримов, Мирзохид Қодиров, Ғуломжон Зокиров каби фаолларининг саъй-ҳаракатлари туфайли ҳашар ўтказилиб, 1 километрдан ортиқ ҳудудга сув қувурлари ётқизилди.
—Шу кунгача ичимлик сувини ташиб ичардик, — дейди маҳалла фаоли Ғ.Зокиров. — Маҳалла аҳлининг аҳиллик билан қилган меҳнатлари туфайли бугун хонадонларимиз ичимлик сувидан баҳраманд бўлди.
Одамлардаги аҳиллик сабаб бугун маҳалла обод гўшага айланган. Озиқ-овқат, буюм, кийим-кечак дўконлари, сартарошхоналар, нонвойхоналар, техникаларга хизмат кўрсатувчи устахоналар аҳоли хизматида. Чароғон кўчаларда тунда ҳам бемалол кундузгидай юриш мумкин.
Бу аҳиллик, ҳамжихатликнинг самарасидир.
