Мамлакатимизда давом этаётган “Ватанпарварлик ойлиги” доирасида туманимизда ҳам қизиқарли тадбир ва учрашувлар ташкил қилиняпти.
Шарқий ҳарбий округ тасарруфидаги ҳарбий қисм ва муассасалардаги ҳарбий хизматчилардан иборат тарғибот гуруҳи аъзолари 1-“Кичкинтой” мактабгача таълим ташкилоти кичкинтойлари меҳмони бўлишди.
Ҳарбийлар бу ердаги шароит билан танишдилар. Расм чизиш машғулотида кичкинтойлар билан бирга расмлар чизишди. Кичкинтойлар меҳмонларга шеърлар айтиб беришди, рақслар ижро этишди.
Айниқса, ҳарбийларнинг кўргазмали чиқишлари тарбияланувчиларни ҳайратга солди.
Фарғона гарнизони ҳарбий оркестри куй чалганда, ҳамма ўйнади.
Ҳарбийларнинг ташрифи кичкинтойлар қалбида узоқ сақланадиган бўлди.
ЁЗЁВОН ТУМАНИ ҲОКИМЛИГИ АХБОРОТ ХИЗМАТИ
