Туман ҳокимлиги, Ўзбекистон Ёшлар иттифоқи туман Кенгаши, ИИБ, “Ёшлар келажагимиз” жамғармаси туман филиали ҳамда жисмоний тарбия ва спорт бўлимлари ҳамкорлигида ташкилот ва муассасаларда меҳнат қилаётган ёшларни спортга бўлган қизиқишларини ошириш, соғлом турмуш тарзини татбиқ этиш мақсадида, спортнинг мини футбол тури бўйича “Иттифоқ» кубоги мусобақаси ташкил этилди.

Буюк Ипак йўли бўйидаги ўйингоҳда ташкилланган бу мусобақа байрамга айланиб кетди. Мусобақада барча ташкилот ва муассасаларда меҳнат қилаётган ёшлардан таркиб топган 28 та жамоа ғолиблик учун курашдилар. Ғоят қизиқарли ва муросасиз ўтган мусобақада ғолиб аниқланди.

Туман халқ таълими бўлимининг ёшлари барча жамоалардан устунлигини намойиш этиб, ҳамкорлар томонидан таъсис этилган “Иттифоқ» кубогини қўлга киритишди. Шунингдек, мусобақада энг яхши ўйинчи ва дарвозабон ҳам аниқланиб, фахрий ёрлиқ, эсдалик совғалари билан тақдирланишди.

Раҳматилло ШОДМОНОВ.