- Ёшлар, Жамият, Маънавият, Туман янгиликлари   206

МАЪНАВИЙ-МАЪРИФИЙ ТАДБИРЛАР БЎЛИБ ЎТДИ

6-мактабда мактаб, маҳалла, болалар ва ўсмирлар спорт мактаби ҳамкорлигида ўқувчи-ёшларни касб-ҳунарга йўналтириш, соғлом турмуш тарзини жорий этиш ҳамда “Оналарга эҳтиром” тадбирлари ўтказилди.

Тадбирга туман ММТБдан вакиллар, мактаблар директорлари, фахрий устозлар ташриф буюришди.

Мактаб кираверишидан қўл меҳнатлари билан қилинган ишлар дид билан безатилган, кишини ҳаваси келади. Меҳмонлар кўргазмалар билан танишишди. Устозлар ўқувчиларни касб-ҳунарга қизиқтириш мақсадида, турли йўналишларда очиқ дарс ташкиллашмоқда. Бир тарафда “Беш ташаббус” доирасида спорт мусобақалари ўтказилмоқда. Спортчи-ёшлар ўзларининг чиқишларини келганларга кўрсатишмоқда. Шахмат-шашка, стол тениси ўйинлари бўлиб ўтмоқда.

Шунингдек тадбирларнинг энг жозибалиси – “Оналарга эҳтиром” тадбири бўлиб ўтди. Устозлар ташриф буюрган оналарига, фахрий устозларга дилларидаги ширин сўзларини айтишиб, гуллар билан табриклашди. Ўқувчилар куй-қўшиқ, рақслари билан олқишларига сазовор бўлишди. Оналар юртимиз тинчлиги учун дуо қилишди.

Ўтказилган тадбирлардан барчанинг кўнгли шод бўлди.