онлайн
Илгарилари Ёзёвонда журналист касбини эгаллаган одам бўлмагани учун таҳририятда бошқа туманлардан кадрлар олиб келиниб ишлатилган. 1990 йилдан кейинги даврда эса «Марказий Фарғона» бир туркум янги, мустақиллик даври журналистларини тарбиялади; Исҳоқжон Каримов, Одилжон Жалолов, Бўрибой Омонзода, Қодирали Аҳмадалиев каби «Марказий Фарғона»нинг ижод «қозони»да қайнаган журналистлар кейинроқ бир қанча кўзга кўринган газета-журналларга муҳаррирлик қилдилар.
Гулистон маҳалласида бўлган депутат аҳолини табиий газ билан таъминлаш имкониятларини ўрганди. Бу бўйича туман газлаштириш идораси раҳбари А.Қўчқоровдан ижобий жавоб олди. 2021 йилда маҳалла табиий газ билан таъминланадиган бўлди.
Ўзини ўзи банд қилганлар – бу хизматлар кўрсатишда мустақил равишда шахсий меҳнати билан иштирок этадиган, меҳнат даромадини олиш учун иш олиб борувчи шахслар. Бунда улар якка тартибдаги тадбиркор сифатида рўйхатга олинмайди ва ёлланма ходимлар меҳнатидан фойдаланмайди.
Фарзанд – бу ота-онанинг қувончи, бахти, ҳаёт давомчиси. У нафақат оила учун, балки жамият ва Ватан учун юксак маънавиятли, мустақил ва эркин фикрлайдиган, ҳар томонлама соғлом ва баркамол авлод-юртимизнинг келажаги учун куч ҳамдир.
Жиноят ишлари бўйича Ёзёвон туман суди томонидан жиноят иши мазмунан кўриб чиқилганида судланувчи гиёҳвандлик воситасини шифобахшлиги учун парваришлаб келганини таъкидлаган бўлсада, унга нисбатан суд томонидан аниқ жазо тайинланди. Чунки бир инсон томонидан касалликларга даво сифатида етиштирилган гиёҳвандлик воситаси юзлаб, бакли минглаб инсонларни соғлом ҳаёт тарзидан чиқариши, уларни умрига зомин бўлиши, оилаларни бузиши ёшлар тарбиясига жиддий хавф туғдириши мумкин.
Биз барча истеъмолчиларга ҳар доим ёнғин хавфсизлиги ва техника хавфсизлиги қоидаларига қаъиян риоя этган ҳолда газ ва газ ускуналаридан тўғри фойдаланишларини сўраб қоламиз. Сизнинг хавфсизлигингиз жамият хавфсизлиги эканлигини унутманг.
Бухоро, Жиззах, Қарши, Самарқанд ва Фарғона шаҳарларида очиладиган Президент мактабларига (бешинчи синфдан ўнинчи синфгача) ҳамда жорий йилда очилиши режалаштирилган Сурхондарё вилоятидаги Рўзи Чориев ва Бухоро вилоятидаги Мухтор Ашрафий номидаги ижод мактабларига (еттинчи синфдан) ўқувчилар қабули келгуси йилда ўтказилади.
Қорасой Чўлигулистон, Тараққиёт маҳаллаларига нисбатан навқирон, аҳолиси шаҳарга орзуманд бўлмаган, асосан чорвачилик, деҳқончиликка меҳр қўйган маҳалла ҳисобланади. Ҳудудда 2989 нафар аҳоли истиқомат қилади. Бугунги кунда 200 та хонадон иссиқхоналарда лимон етиштириш билан шуғулланади. Шулардан 168 хонадон эгалари кўп йиллик тажрибага эга бўлиб, лимондан яхшигина даромад олишади.
Ёзёвон фермерлари томонидан ғалла ва пахта етиштиришда ўзига хос мактаб яратилган. Ўтган мавсумда ғалладан мўл ҳосил олган фермерларимиз давлатга 22 минг тоннадан зиёд сара дон топширдилар.
Мазкур таълим муассасасига 2020-2021 ўқув йили учун абитуриентлар қабул имтиҳонлари асосида ўқишга қабул қилиниши режалаштирилган.