Тадбирокрлар ва ишбилармонлар ҳаракати – Ўзбекистон Либерал-демократик партияси Ёзёвон тумани Кенгаши, туман адлия бўлими, Ўзбекистон Республикаси Бош вазирининг Ёзёвон туманидаги тадбиркорлар мурожаатларини кўриб чиқиш қабулхонаси, туман Давлат хизматлари маркази ва туман Кенгаши депутатлари иштирокида Давлат хизматлари марказида “Пандемия даврида тадбиркорлар ва ахолига яратилаётган имтиёзлар” мавзусида давра сухбати бўлиб ўтди.
Ўзбекистон Республикаси Президентининг пандемия даврида тадбиркорларга берилаётган имтиёзлар ва аҳолининг ижтимоий ҳаётидаги ўзгаришларнинг бугунги ҳолати, муаммолари ва соҳани ривожлартириш истиқболалрига бағишлаб ўтказилган мажлислардаги маърузаларида маъсул ташкилотлар олдига қўйилган вазифалар ва уларни бажаришга қаратилган чора-тадбирлар ҳамда аҳолига хизмат кўрсатишни, ушбу соҳадаги хукумат томонидан ишлаб чиқилаётган қонунларни амалиётга самарали татбиқ этишга кўмаклашиш мақсадида тегишли ташкилотлар ва жамоатчилик назоратини ташкил этиш вазифалари қўйилган эди.
Давра суҳбати давомида Давлатимиз раҳбари томонидан пандемия даврида тадбиркорларга берилаётган имтиёзларни тадбиркорлик субъектларига етказиш хусусида сўз борди.
Туман адлия бўлим бошлиғи Зуҳриддин Бўтабоев пандемия даврида тадбиркорлар ва аҳолига берилган солиқ имтиёзлари, бугунги кунда тадбиркорларга яратилаётган енгиликлар ҳақида сўзлади.
Туман Давлат хизматлари маркази бўлим бошлиғи Феруза Йўлдошеванинг эътироф этишича, бугунги кунда онлайн тарзда фуқароларга давлат хизматларини кўрсатишнинг йўлга қўйилганлиги ҳам яхши самара бермоқда.
Тадбирда туман Кенгаши депутатлари И.Шералиев ва М.Иномов ҳам ўз фикрларини билдириб ўтдилар. Партиянинг асосий электорати бўлган тадбиркорларни ҳамиша қўллаб-қувватлаши таъкидланди.
