Марғилон шаҳар «Туягум» МФЙ Низомий кўчасидаги табиий газ қувурининг ҳолати бўйича мурожаат келиб тушган. Манзилда соҳа мутахассислари мурожаатни жойида ўргандилар.
![](https://markaziyfargona.uz/wp-content/uploads/2023/05/photo_2023-05-12_18-45-23-1024x1024.jpg)
Ўрганиш натижасида ушбу кўчада яшовчи фуқаро (шахси ошкор этилмайди) ўзига қарашли ҳовли-жой деворини бузиб, аввалги жойидан кўча томонга чиққан ҳолда девор қурганлиги маълум бўлди. Қурилиш даврида бетон-ғиштлар табиий газ қувурига келиб қолганда, мулк эгаси ва қурувчилар томонидан ўзбошимчалик билан қувурни жойидан силжитган ҳолда қурилиш давом эттирилган. Натижада газ қувури ўз жойидан оғиб, юқоридаги ҳолат юзага келган.
![](https://markaziyfargona.uz/wp-content/uploads/2023/05/photo_2023-05-12_09-39-20-1024x478.jpg)
Турли кўнгилсиз ҳодисаларнинг олдини олиш мақсадида бугун ушбу қувурдан фойдаланувчи хонадонлар эгалари эртага табиий газ таъминотида узилиш бўлиши ҳақида огоҳлантирилди ҳамда 1 кун муддатда газ қувурини мустаҳкамлаш чоралари кўрилиши белгиланди.
“Ҳудуд газ Фарғона” ГТФ матбуот хизмати