"МАРКАЗИЙ ФАРҒОНА"

Халқаро болаларни ҳимоя қилиш куни тадбирлари мактабгача таълим ташкилотлари кичкинтойлари тушган машиналар кортежи Ёзёвон кўчалари бўйлаб сайр билан бошланди.

Юқори МФЙда давлат хусусий шерикчилиги асосида «Иқтидорли гулчалар» номли мактабгача таълим ташкилоти очилди.

Ўзбекистон Ички ишлар вазирлиги, Ёшлар ишлар агентлиги, Миллий гвардия, Маҳалла ва оилани қўллаб-қувватлаш вазирлиги “Ёшлар билан боғлиқ ҳолат оғир бўлган ҳудудларда олиб борилаётган профилактик чора-тадбирларни янада такомиллаштириш тўғрисида”ги қўшма қарорида ёшлар билан ишлаш бўйича намунавий тажриба сифатида танланган ёшлар билан боғлиқ оғир ҳолат туман ва маҳаллалар рўйхатига Ёзёвон тумани Ёзёвон МФЙ киритилган. Туман ҳокимлигида оғир ҳолатда бўлган маҳалладаги ёшларнинг муаммоларини ўрганиш бўйича сектор раҳбарлари, ИИВ, Ёшлар ишлар агентлиги мутасаддилари иштирокида очиқ мулоқот тарзидаги семинар ўтказилди.

Тошкент шаҳрида “Ўзбек жанг санъати” спорт тури бўйича ўтказилган Ўзбекистон чемпионати мусобақасида туманимиз ёш спортчилари ҳам иштирок этиб, Ёзёвон шарафини муносиб ҳимоя қилдилар.

“Ёзёвон марказий ўйингоҳи”да туманимиз маҳаллалари ўртасида ДХХ Фарғона вилоят бошқармаси бошлиғи кубоги учун мини футбол бўйича мусобақа ўтказилди.Мусобақада маҳаллаларнинг 17-24, 25-30 ёшли иштирокчиларидан иборат 66 та жамоаси қатнашди.Турнирга туман ҳокими Д.Джалилов, сектор раҳбарлари, ДХХ вилоят бошқармаси Марғилон туманлараро бўлими бошлиғи Ш.Хатамов ташриф буюриб, муросасиз кечган ўйинларни кузатдилар.

Ўзбекистон Республикаси Президентининг “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги фармони ижросини таъминлаш борасида туман ҳокимлиги, ички ишлар, жисмоний тарбия ва спорт, маҳалла ва оилани қўллаб-қувватлаш, ХТБ, МТБ, ёшлар ташкилотлари, маънавият ва маърифат бўлимлари, болалар ва ўсмирлар спорт мактаби ҳамкорликда “Соғлом ҳаёт учун 10000 қадам!” тадбири ўтказилди.

Қорасой МФЙдаги 18-мактабгача таълим ташкилотида шу пайтгача 200 нафар кичкинтой тарбияланарди. 90 ўринли контейнерли қўшимча бино қурилиши билан қамров 290 нафарга етди.
“Восток оптимал” МЧЖ бошлаб, “Саховатли Сотволди ота” МЧЖ қурувчилари оҳирига етказган бу қурилиш учун 480 миллион сўм маблағ сарфланди.

Хабарингиз бор Президентимизнинг “Ўзбекистон янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги фармонига биноан жорий йилнинг 1 апрель санасидан мактабларда ижодий-маданий масалалар бўйича тарғиботчи лавозими жорий этилди.

Мамлакатимизда ёшларга бўлган эътиборни янада кучайтириш, уларни маданият, санъат, жисмоний тарбия ва спортга кенг жалб этиш, ёшларда ахборот технологияларидан фойдаланиш кўникмаларини шакллантириш, юртимиз ёшлари ўртасида китобхонликни тарғиб қилиш, хотин-қизлар бандлигини ошириш масалаларига урғу берилганлиги, турли зиддиятлар кучайиб бораётган бугунги дунё манзараларида ёшларимизнинг маънавий иммунитетини кучайтириш, уларнинг бўш вақтини мазмунли ўтказиш ҳар қачонгидан ҳам долзарброқ эканини замоннинг ўзи кўрсатиб турибди.

Ёзёвонда туман газетасига янги бино қуриб берилгани мамлакатимиз зиёлилари ўртасида гап бўляпти. Гап бўлганда ҳам ижобий, ҳавас билан гапиришяпти. Бу хабардан бир Ёзёвон фарзанди сифатида хурсанд бўлдим. Туман ҳокими Дилшоджон Джалилов Ёзёвонда олиб бораётган ишлари, жон куйдираётгани ҳақида ижтимоий тармоқлар орқали танишиб, кузатаман. Ҳокимнинг айниқса, матбуотга, ижод аҳлига эътибор қаратишига таъриф йўқ.